Halos lahat ng Pilipino ay marunong ng pagbukas pag sara ng kamay o Close Open, Arimunding-munding o pagpapalambot ng mga daliri at paikot ikot pa at pagpapapungay ng mata o Beautiful Eyes.  Ito ang mga unang natutunan ng mga bata nakakaaliw masdan ang mga bata pag ginagawa ang mga ito.  Apat ang naging anak ko at masasabi ko na talagang kasama na  yan sa paglalaro sa mga musmos.  Ikaw siguro, noong bata ay nag close open din, nag arimunding munding at beautiful eyes o tinuruan mo ang anak, pamangkin o sinuman na bata na inilagaan mo.  Pero, ano naman ang halaga niyan sa atin ngayon?   Teka  isaisahin natin upang maging malinaw ang ibig kong sabihin.

Close-open

Hindi ba’t pag open ka sa isang tao close kayo?  Nakakatuwa hindi  ga?  Open ka, bukas ang loob mo sinasabi mo lahat ng tungkol sa iyo sa taong pinagkakatiwalaan mo at habang ginagawa ninyo ito siya rin ay bukas sa iyo at nagiging close kayo. Ang ibig kong sabihin ang  maayos na pakikipag-ugnayan sa tao ang daan ng pagbuo ng magandang relasyon sa mag asawa, pamilya kaibigan o kung sinuman.  Kailangan nating maging bukas upang maging madali ang paglapat sa tao, ang pagiging natural sapagkat kung paano mong binuksan ang sarili mo ganun din ang pagpasok ng biyaya ng pakikipag-ugnayan.  Bukas na komunikasyon,  lagi mo mang kasama ang iyong pamilya o kaibigan o  nasa ibang bansa ka man, ang pinakamahusay na gawin mo ay ang maayos na komunikasyon.  Sulat, email, chat o kung anuman, gawin mo yan malayo ka man para gang malapit ka pa rin sa kanila.  Sa mga nasa ibang bansa, nakakagaan ito ng lungkot at nakakasaya sa mga naiwang pamilya at kaibigan.

Arimunding–munding

Paikut-ikot ang buhay kailangan nating makisayaw sa tugtog ng panahon.  Maging malikhain kung kailangan.  Ang buhay ay masaya maganda at punung-puno ng biyaya mula sa Diyos.  Ang mga anak ko, kakaiba ang arimunding–munding dahil sinamahan ko ng pitik.  Arimunding munding na may pitik.  Ano ga ang pitik?  Sa pag arimunding munding mo sa buhay minsan may pitik din na humahamon sa  katatagan ng iyong pagkatao.  Sa bawat pitik kailangan mo ang dasal at pakikinig sa Diyos sa mga mga ninanais niyang ipagawa sa iyo. Tandanan ang  pagdarasal ay sinasamahan ng pakikinig at pag-gawa. “Nasa Diyos ang awa nasa tao ang gawa” May pitik man sa arimunding, masaya at may kapanatagan din .

Beautiful Eyes